Education-Article
NPTIలో పీజీ డిప్లొమాలో ప్రవేశానికి నోటిఫికేషన్‌ విడుదల

నేషనల్‌ పవర్‌ ట్రెయినింగ్‌ ఇన్‌స్టిట్యూట్‌(ఎన్‌పీటీఐ)- పోస్ట్‌ గ్రాడ్యుయేట్‌ డిప్లొమా కోర్సుల్లో ప్రవేశానికి నోటిఫికేషన్‌ విడుదల చేసింది. ప్రోగ్రామ్‌ వ్యవధి ఏడాది. ఇందులో రెండు సెమిస్టర్లు ఉంటాయి. ప్రోగ్రామ్‌లో భాగంగా వివిధ మాడ్యూల్స్‌, ఇండస్ట్రియల్‌/ఫీల్డ్‌ ట్రెయినింగ్‌, ప్రాజెక్ట్‌ వర్క్‌లు పూర్తి చేయాల్సి ఉంటుంది. ప్రోగ్రామ్‌ చివర్లో ఫైనల్‌ ఎగ్జామ్‌ నిర్వహిస్తారు. మొత్తం 360 సీట్లు ఉన్నాయి.

స్పెషలైజేషన్‌లు

  • పవర్‌ ప్లాంట్‌ ఇంజనీరింగ్‌: ఇందులో గ్యాస్‌, సోలార్‌, విండ్‌, బయోమాస్‌ తదితర పవర్‌ ప్లాంట్‌లకు సంబంధించిన ఆపరేషన్‌ అండ్‌ మెయింటెనెన్స్‌ అంశాలు వివరిస్తారు. ఈ స్పెషలైజేషన్‌లో 180 సీట్లు ఉన్నాయి.
  • పవర్‌ సిస్టం ఆపరేషన్‌: ఇందులో ఎలక్ట్రిక్‌ పవర్‌ సిస్టమ్‌ జనరేషన్‌, ఆపరేషన్‌, కంట్రోల్‌; పవర్‌ సిస్టమ్‌ ఆపరేషన్‌, ఆపరేటింగ్‌ మెకానిజం, టూల్స్‌ తదితర అంశాలు వివరిస్తారు. ఈ ప్రోగ్రామ్‌లో 60 సీట్లు ఉన్నాయి.
  • రెన్యూవబుల్‌ ఎనర్జీ అండ్‌ గ్రిడ్‌ ఇంటర్‌ఫేస్‌ టెక్నాలజీస్‌: ఎనర్జీ సిస్టమ్స్‌కు సంబంధించిన టెక్నాలజీ, ఎకనామిక్స్‌, పాలసీ; రెన్యూవబుల్‌ ఎనర్జీ సోర్సెస్‌ సప్లయ్‌ తదితర అంశాలు ఉంటాయి. సోలార్‌ ఎనర్జీ సిస్టమ్స్‌, ఫొటోవోల్టాయిక్‌ సిస్టమ్స్‌, థర్మల్‌ ఎనర్జీ సిస్టమ్స్‌, విండ్‌ ఎనర్జీ, బయోమాస్‌, జియోథర్మల్‌, టైడల్‌ అండ్‌ వేవ్‌ ఎనర్జీ, హైడ్రోజన్‌ అండ్‌ ఫ్యూయెల్‌ సెల్స్‌, గ్రిడ్‌ ఇంటిగ్రేషన్‌, ఇంటర్‌ఫేసింగ్‌ టెక్నాలజీస్‌ అంశాలు వివరిస్తారు. ఇందులో 60 సీట్లు ఉన్నాయి
  • స్మార్ట్‌ గ్రిడ్‌ టెక్నాలజీస్‌: ఇందులో స్మార్ట్‌ గ్రిడ్‌ టెక్నాలజీస్‌, స్మార్ట్‌ జనరేషన్‌, స్మార్ట్‌ ట్రాన్స్‌మిషన్‌, స్మార్ట్‌ డిస్ట్రిబ్యూషన్‌; ఈ-వెహికిల్స్‌, స్టోరేజ్‌ సిస్టం, స్మార్ట్‌ మీటర్స్‌, స్మార్ట్‌ గ్రిడ్స్‌ ఇంటిగ్రేటింగ్‌ రెన్యూవబుల్స్‌ అంశాలు వివరిస్తారు. ఈ స్పెషలైజేషన్‌లో 60 సీట్లు ఉన్నాయి.

అర్హత వివరాలు: స్పెషలైజేషన్‌ను అనుసరించి మెకానికల్‌/ ఎలక్ట్రికల్‌/ ఎలక్ట్రికల్‌ అండ్‌ ఎలకా్ట్రనిక్స్‌/ సీ అండ్‌ ఐ/ పవర్‌ ఇంజనీరింగ్‌/ ఎలకా్ట్రనిక్స్‌ అండ్‌ కమ్యూనికేషన్‌/ కంప్యూటర్‌ సైన్స్‌/ ఇన్ఫర్మేషన్‌ అండ్‌ కమ్యూనికేషన్‌ టెక్నాలజీ/ ఐటీ విభాగాల్లో ప్రథమ శ్రేణి మార్కులతో బీఈ/బీటెక్‌/తత్సమాన కోర్సు ఉత్తీర్ణులై ఉండాలి. వయోపరిమితి నిబంధనలు లేవు.

ఎంపిక: అకడమిక్‌ ప్రతిభ, టెలిఫోన్‌/ ఆన్‌లైన్‌ ఇంటర్వ్యూ, కౌన్సెలింగ్‌, డాక్యుమెంట్స్‌ వెరిఫికేషన్‌ ఆధారంగా అభ్యర్థులను ఎంపిక చేస్తారు. అకడమిక్‌ ప్రతిభకు 90 శాతం, ఇంటర్వ్యూకి 10 శాతం వెయిటేజీ ఇస్తారు.   


ముఖ్య సమాచారం

దరఖాస్తు ఫీజు: రూ.500 

ఆన్‌లైన్‌ దరఖాస్తుకు చివరి తేదీ: ఫిబ్రవరి 11

ఎంపికైన అభ్యర్థుల జాబితా విడుదల: ఫిబ్రవరి 14

ప్రోగ్రామ్‌ ప్రారంభం: ఫిబ్రవరి 21

మిగిలిన సీట్ల భర్తీకి స్పాట్‌ అడ్మిషన్స్‌: ఫిబ్రవరి 28

వెబ్‌సైట్‌:  npti.gov.in

Tags :