Education-Article
ఇంజనీరింగ్‌ ఫ్రెషర్స్‌కు wiproలో ఉద్యోగ అవకాశాలు ఇలా..!

సాఫ్ట్‌వేర్‌ దిగ్గజం విప్రో 1945లో ఆరంభమైంది. 1982లో ఐటీ ఉత్పత్తుల వ్యాపారంలోకి వచ్చింది. మూడో పార్టీగా ఆర్‌ అండ్‌ డి, ఐటీ సర్వీసులను 1990లో చేపట్టిన ఈ సంస్థ 2000లో ఎన్‌వైఎస్‌ఇలో లిస్టయింది. బీపీఓ సర్వీసులను కూడా ఆరంభించింది. విప్రో ప్రస్తుతం బీఈ/ బీటెక్‌, ఇంటిగ్రేటెడ్‌ ఎంటెక్‌ కోర్సులు పూర్తిచేసుకున్న, చదువుతున్న విద్యార్థులకు ఉద్యోగాలు ఇచ్చే ప్రక్రియ చేపట్టింది. 


ఎలైట్‌-2022 పేరుతో విప్రో రిక్రూట్‌మెంట్‌ చేపట్టింది. ఇందులో భాగంగా ఆన్‌లైన్‌ పరీక్ష, ఇంటర్వ్యూలలో చూపిన ప్రతిభ ఆధారంగా నియామకాలు చేపడతారు. ఆసక్తి గల అభ్యర్థులు విప్రో వెబ్‌సైట్‌లో వివరాలు నమోదు చేసుకోవచ్చు. ఎలైట్‌ నేషనల్‌ టాలెంట్‌ హంట్‌(ఎన్‌టీహెచ్‌)-2022 పేరుతో విప్రో దేశవ్యాప్తంగా ఉన్న ఇంజనీరింగ్‌ ఫ్రెషర్స్‌ను ఎంపిక చేసుకుంటోంది.  ఇంజనీరింగ్‌ విభాగాల్లో అత్యుత్తమ నైపుణ్యాలు ఉన్నవారిని గుర్తించి, తమ సంస్థలోకి తీసుకునే యత్నమిది. ఎంపికైన వారికి ప్రాజెక్ట్‌ ఇంజనీర్‌ హోదా కేటాయిస్తారు. వీరికి రూ.3.5 లక్షల వార్షిక వేతనం అందుతుంది. ఈ విధానంలో చేరినవారు ఏడాదిపాటు సంస్థలో కొనసాగడం తప్పనిసరి. ఇందుకోసం రూ.75,000 విలువైన బాండ్‌ కూడా రాసుకుంటారు. నిర్ణీత గడువు పూర్తిచేసుకున్న వారికి బోనస్‌లు ఉంటాయి. ప్రతి సంవత్సరం ఇంక్రిమెంట్లు అందిస్తారు.

అర్హత: పదో తరగతి, ఇంటర్మీడియెట్‌లో కనీసం 60 శాతం మార్కులు సాఽధించాలి. అలాగే బీటెక్‌/ బీఈ/ ఇంటిగ్రేటెడ్‌ ఎంటెక్‌లో 60 శాతం తప్పనిసరి. 2020, 2021లో కోర్సులు పూర్తిచేసుకున్నవారు, 2022లో బీటెక్‌ లేదా ఇంటిగ్రేటెడ్‌ ఎంటెక్‌ కోర్సులు పూర్తిచేసుకోబోతున్నవారు అర్హులు. ఫ్యాషన్‌ టెక్నాలజీ, టెక్స్‌టైల్‌ ఇంజనీరింగ్‌, అగ్రికల్చర్‌ అండ్‌ ఫుడ్‌ టెక్నాలజీ కోర్సులు చదివిన వారికి తప్ప మిగతా అన్ని ఇంజనీరింగ్‌ బ్రాంచ్‌ల వారికీ అవకాశం ఉంది. పదో తరగతి నుంచి గ్రాడ్యుయేషన్‌ మధ్య విద్యాపరంగా విరామం మూడు సంవత్సరాలకు మించకూడదు. దూర విద్య, పార్ట్‌టైమ్‌ విధానంలో చదివిన వారికి అవకాశం లేదు. అసెస్‌మెంట్‌ స్టేజ్‌ సమయానికి ఒక బ్యాక్‌లాగ్‌ కంటే ఎక్కువ ఉండకూడదు. గత ఆరు నెలల లోపు విప్రో సెలక్షన్‌ ప్రాసెస్‌లో పాల్గొన్నవారికి అవకాశం లేదు.

ఎంపిక: ఆన్‌లైన్‌ అసెస్‌మెంట్‌తో అభ్యర్థులను ఎంపిక చేస్తారు. ఇందుకు 128 నిమిషాల వ్యవధితో మూడు సెక్షన్లలో పరీక్ష నిర్వహిస్తారు. ఆప్టిట్యూడ్‌, రిటెన్‌ కమ్యూనికేషన్‌, ఆన్‌లైన్‌ ప్రోగ్రామింగ్‌ విభాగాల్లో అభ్యర్థిని పరీక్షిస్తారు. పరీక్షలో అర్హత సాధించిన వారికి టెక్నికల్‌, హెచ్‌ఆర్‌ ఇంటర్వ్యూలు ఉంటాయి. వీటిలోనూ అర్హత సాధిస్తే శిక్షణకు ఎంపికచేస్తారు. శిక్షణను విజయవంతంగా పూర్తిచేసుకున్న వారిని విధుల్లోకి తీసుకుంటారు. 


పరీక్ష విధానం

ఆప్టిట్యూడ్‌: ఇందులో లాజికల్‌ ఎబిలిటీ, క్వాంటిటేటీవ్‌ ఎబిలిటీ, ఇంగ్లీ్‌ష(వెర్బల్‌) ఎబిలిటీ అంశాల నుంచి ప్రశ్నలు ఉంటాయి. సమయం 48 నిమిషాలు.

రిటెన్‌ కమ్యూనికేషన్‌: వ్యాసం రాయాలి. దీనికి 20 నిమిషాలు కేటాయించారు.

ఆన్‌లైన్‌ ప్రోగ్రామింగ్‌: కోడింగ్‌లో రెండు ప్రోగ్రామ్‌లు రాయాలి. ఇందుకోసం జావా, సీ, సీ++, పైథాన్‌ వీటిలో దేనినైనా ఎంచుకోవచ్చు. సమయం 60 నిమిషాలు.

ఆన్‌లైన్‌ దరఖాస్తులకు చివరితేదీ: జనవరి 31

ఆన్‌లైన్‌ అసె్‌సమెంట్‌ పరీక్షలు: తేదీల వివరాలు తరవాత ప్రకటిస్తారు.

వెబ్‌సైట్‌: http://careers.wipro.com/elite

Tags :