ఎయిమ్స్‌కు లైన్‌ క్లియర్‌
రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన|హైదరాబాద్: ఐటీ అధికారులు అడిగిన ప్రశ్నలకు సమాధానాలు ఇచ్చా: గోల్డ్‌స్టోన్‌ ప్రసాద్‌|రాజమండ్రి: రూ.50 వేలు లంచం తీసుకుంటూ ఏసీబీకి చిక్కిన ఎస్కేయూ అసిస్టెంట్ రిజిస్ట్రార్‌ వెంకటస్వామి     
ఎయిమ్స్‌కు లైన్‌ క్లియర్‌
వచ్చే ఏడాది నుంచి ‘సిద్ధార్థ’లో తరగతులు
అంగీకరించిన ఎయిమ్స్‌ బృందం సభ్యులు
మొదటి విడతగా 50 సీట్లు కేటాయింపు
కాలేజీలో మౌలిక సదుపాయాలకు 5కోట్లు

అమరావతి, సెప్టెంబరు 13(ఆంధ్రజ్యోతి): రాష్ట్రంలో ఎయిమ్స్‌ తరగతుల నిర్వహణకు రంగం సిద్ధమైంది. వచ్చే విద్యా సంవత్సరం నుంచే విజయవాడలోని సిద్థార్థ మెడికల్‌ కాలేజీలో క్లాసులు ప్రారంభం కానున్నాయి. బుధవారం విజయవాడ వచ్చిన ఎయిమ్స్‌ బృందం దీనికి ఆమోదం తెలిపింది. దీంతో రాష్ట్రంలో మరో జాతీయ స్థాయి విద్యాసంస్థ విద్యార్థులకు అందుబాటులోకి రానుంది. రెండు వారాల క్రితం కేంద్ర ఆరోగ్య శాఖమంత్రి జె.పి.నడ్డా రాష్ట్రానికి వచ్చారు. ఈ సందర్భంగా సీఎం చంద్రబాబుతో ఆయన భేటీ అయినప్పుడు ఎయిమ్స్‌ తరగతుల ప్రారంభంపైనే ప్రధానంగా చర్చ జరిగింది. వచ్చే ఏడాది నుంచే క్లాసులు ప్రారంభించాలని సీఎం కోరడంతో సానుకూలంగా స్పందించిన కేంద్రమంత్రి వెంటనే ఇక్కడి వసతులను పరిశీలించేందుకు ఒక బృందాన్ని నియమించారు.
 
దీనిలో ఢిల్లీ ఎయిమ్స్‌ మెడికల్‌ సూపరింటెండెంట్‌ డాక్టర్‌ డి.కె.శర్మ, ఎయిమ్స్‌ ప్రతినిధి సచిన్‌.ఎం, ఆర్కిటెక్ట్‌లు ముఖేష్‌ వాజపేయి, జి.పి. శ్రీవాత్సవ ఉన్నారు. బుధవారం ఈ బృందం విజయవాడలోని సిద్ధార్థ మెడికల్‌ కాలేజీని సందర్శించి, అక్కడ ఉన్న వసతులను క్షణ్ణంగా పరిశీలిచింది. అనంతరం వచ్చే ఏడాది నుంచి సిద్థార్థలో ఎయిమ్స్‌ తరగతులు నిర్వహించుకునేందుకు బృందం సభ్యులు అంగీకరించారు. .
 
ఈ మేరకు తమ నివేదికను కేంద్రానికి అందించనున్నారు. మంగళగిరిలో ఎయిమ్స్‌ నిర్మాణం పూర్తి కావడానికి సుమారు రెండేళ్లు పడుతుంది. అప్పటి వరకూ సిద్థార్థలోనే ఈ తరగతులు నిర్వహిస్తారు. తొలిబ్యాచ్‌లో 50 ఎంబీబీఎస్‌ సీట్లు కేటాయించారు. దీనికి అవసరమైన మౌలిక సదుపాయాల కల్పనకు సుమారు రూ.5కోట్లు అవసరమని ఎయిమ్స్‌ బృందంతో పాటు రాష్ట్రానికి చెందిన ఎయిమ్స్‌ సభ్యులు, స్విమ్స్‌ డైరెక్టర్‌ డాక్టర్‌.రవికుమార్‌, అకడమిక్‌ డీఎంఈ బాబ్జీ, సిద్ధార్థ కాలేజీ ప్రిన్సిపాల్‌ డాక్టర్‌ శశాంక్‌ అంచనా వేశారు.
 
ముందే సూచించిన ‘ఆంధ్రజ్యోతి’
మంగళగిరిలో ఎయుమ్స్‌ నిర్మాణం జరుగుతున్న దృష్ట్యా తరగతులను తెనాలి ఏరియా ఆసుపత్రిలో ప్రారంభించాలని ఆరోగ్యశాఖ ఉన్నతాధికారులు భావించారు. అయితే ఈ తరగతులను తెనాలిలో ప్రారరభించడం కంటే విజయవాడ సిద్ధార్థ మెడికల్‌ కాలేజీలో ప్రారంభిస్తే మంచిదని ‘ఆంధ్రజ్యోతి’ ఆ సమయంలోనే సూచించింది.