స్కూల్‌లో అగ్నిప్రమాదం.. 25 మంది సజీవ దహనం Education-Article
వైసీపీ ఎమ్మెల్యే ఆదిమూలపు సురేష్‌ భార్యపై సీబీఐ కేసు, ఆదాయానికి మించి రూ.కోటి ఆస్తులున్నట్లు గుర్తించిన సీబీఐ|అనంతపురం: ధర్మవరంలో కిడ్నాపైన రుషిత ప్రియ(6) క్షేమం|సంగారెడ్డి: ఇస్నాపూర్‌ గ్రామీణ వికాస్‌ బ్యాంకులో లేని ఖాతాలు సృష్టించి రూ. 12 కోట్లు కాజేసిన ఫీల్డ్ ఆఫీసర్|మెట్రోరైలును నవంబర్‌లో ప్రధాని మోదీ ప్రారంభిస్తారు: కేటీఆర్|కమల్‌హాసన్‌ను కలిసిన కేజ్రీవాల్‌..కేంద్రంపై పోరాటానికి కలిసిరావాలని కమల్‌ను కోరిన కేజ్రీవాల్|జపాన్‌ ఓపెన్‌ సూపర్ సిరీస్‌లో సైనా నెహ్వాల్‌ ఓటమి|కాంగ్రెస్‌కు రాజీనామా చేసిన మహారాష్ట్ర మాజీ సీఎం నారాయణ్‌ రాణే |కాళేశ్వరం ఎత్తిపోతల పథకానికి కేంద్ర అటవీ శాఖ స్టేజ్-2 అనుమతి|నల్గొండ: ఎంపీ గుత్తాసుఖేందర్‌రెడ్డి సోదరుడి భార్య శ్రీలత(45) ఉరివేసుకుని ఆత్మహత్య|అమరావతి: కంచె ఐలయ్య వైశ్యులందరినీ ఒకే గాటన కట్టడం సరికాదు: మంత్రి సోమిరెడ్డి     
స్కూల్‌లో అగ్నిప్రమాదం.. 25 మంది సజీవ దహనం
14-09-2017: మలేసియా రాజధాని కౌలాలంపూర్‌లో ఘోర అగ్నిప్రమాదం చోటుచేసుకుంది. ఓ పాఠశాలలో మంటలు రేగడంతో 25 మంది సజీవదహనమయ్యారు. స్థానిక కాలమానం ప్రకారం.. గురువారం తెల్లవారు జామున ఖురాన్ బోధించే బోర్డింగ్ పాఠశాల దారుల్ ఖురాన్ ఇత్తిఫాకియా‌లో ఈ దుర్ఘటన చోటుచేసుకున్నట్టు మలేసియా ఫైర్ అండ్ రెస్క్యూ విభాగం వెల్లడించింది. షార్ట్ సర్క్యూట్ కారణంగా ప్రమాదం జరిగినట్టు అధికారులు భావిస్తున్నారు. డార్మిటరీ కిటికీలన్నిటికీ ఇనుపచువ్వలు పెట్టిఉండడం, బయటికి వెళ్లేందుకు కేవలం ఒకే మార్గం ఉండడంతో పిల్లలంతా లోపల చిక్కుబడిపోయినట్టు చెబుతున్నారు. దీంతో విపరీతమైన పొగతో శ్వాస ఆడక కొంతమంది, తొక్కిసలాట కారణంగా మరికొంతమంది ప్రాణాలు కోల్పోయినట్టు స్థానికులు పేర్కొన్నారు. మృతుల్లో 23 మంది విద్యార్దులు, ఇద్దరు టీచర్లు ఉన్నట్టు వెల్లడించింది. చనిపోయిన పిల్లలంతా 13 నుంచి 17 ఏళ్ల లోపువారే కావడం స్థానికులను తీవ్రంగా కలచివేస్తోంది.
 
‘‘ఓ అగ్నిప్రమాదం కారణంగా ఇంతమంది చనిపోవడం ఎన్నడూ ఊహించలేదు. మలేసియాలో గత 20 యేళ్లలో ఇంత ఘోరం జరగడంఇదే మొదటిసారి... ప్రస్తుతం దీనిపై విచారణ జరుగుతోంది..’’ అని కౌలాలంపూర్ ఫైర్ అండ్ రెస్క్యూ విభాగం డైరెక్టర్ ఖిరుదిన్ ద్రాహ్మన్ వెల్లడించారు. ఈ ఘటనలో మొత్తం 11 మందిని కాపాడగా... గాయపడిన మరో ఏడుగురిని స్థానిక ఆస్పత్రికి తరలించి చికిత్స అందిస్తున్నామన్నారు.