ఆడబిడ్డల చదువుపై సీఎం ప్రత్యేక శ్రద్ధ: కవిత Education-Article
నెల్లూరు: మనుబోలు మండలం బద్వేలు క్రాస్‌రోడ్డు దగ్గర కారు బోల్తా, ముగ్గురికి గాయాలు|కర్నూలు: 16 వ రోజు జగన్ ప్రజా సంకల్ప యాత్ర|రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన     
ఆడబిడ్డల చదువుపై సీఎం ప్రత్యేక శ్రద్ధ: కవిత
14-09-2017: ఆడబిడ్డలు చదువుకోవడానికి ఏర్పడిన అడ్డంకులను తొలగించడానికి సీఎం కేసీఆర్‌ ప్రత్యేక అవకాశాలు కల్పిస్తున్నారని ఎంపీ కవిత అన్నారు. బుధవారం నిజామాబాద్‌లోని సాయినగర్‌లో గిరిజన మహిళా డిగ్రీ రెసిడెన్షియల్‌ కళాశాల భవనాన్ని ఎంపీ కవిత ప్రారంభించారు. అనంతరం బైపా్‌సరోడ్డులో జిల్లా గోసంగి సంఘం భవనాన్ని ప్రారంభించారు. అనంతరం శ్రావ్య గార్డెన్‌లో ఏర్పాటు చేసిన తెలంగాణ జాగృతి మహా బతుకమ్మ సభ్యత్వం తీసుకుని, అక్కడ ఏర్పాటు చేసిన జిల్లా గోసంగి మహాసభలో ముఖ్య అతిథిగా పాల్గొన్నారు.
 
ఈ సందర్భంగా ఆయా కార్యక్రమాల్లో ఎంపీ కవిత మాట్లాడుతూ.. రాష్ట్ర వ్యాప్తంగా నిరుపేద వర్గాలకు చెందిన ఆడబిడ్డలు చదువుకోవడానికి ఎస్టీలకు 22, ఎస్సీలకు 23 గురుకుల హాస్టల్స్‌ ఏర్పాటు చేయడానికి చర్యలు తీసుకున్నామని పేర్కొన్నారు. ఇందులో భాగంగా ఉమ్మడి జిల్లాల్లో నిజామాబాద్‌లో ఒక కళాశాల, మరొకటి కామారెడ్డికి కేటాయించామని వెల్లడించారు. బతుకమ్మ పండుగను సంతోషంగా జరుపుకోవడానికి రాష్ట్ర వ్యాప్తంగా కోటీ 8లక్షల మంది ఆడబిడ్డలకు చీరలు పంపిణీ చేస్తున్నామని తెలిపారు. గోసంగి కులస్తుల డిమాండ్ల పరిష్కారానికి సీఎం కేసీఆర్‌తో చర్చిస్తానన్నారు. డబుల్‌ బెడ్‌ రూం ఇళ్లు దళితులకు ఇస్తున్న మూడు ఎకరాల భూ పంపిణిలో గోసంగిలకు న్యాయం జరిగేలా చూస్తానన్నారు.