సీబీఎస్‌ఈలోనూ ‘తెలుగు’ తప్పనిసరి Education-Article
నెల్లూరు: మనుబోలు మండలం బద్వేలు క్రాస్‌రోడ్డు దగ్గర కారు బోల్తా, ముగ్గురికి గాయాలు|కర్నూలు: 16 వ రోజు జగన్ ప్రజా సంకల్ప యాత్ర|రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన     
సీబీఎస్‌ఈలోనూ ‘తెలుగు’ తప్పనిసరి
రేపు పాఠశాలల యాజమాన్యాలతో సమావేశం
ఇంటర్‌లో ఇకపై ‘మొదటి భాష’గా తెలుగు
ప్రభుత్వ నిర్ణయంతో విద్యా శాఖ చర్యలు
ఎక్కువగా సంస్కృతంవైపే విద్యార్థుల మొగ్గు

హైదరాబాద్‌, సెప్టెంబరు 13(ఆంధ్రజ్యోతి): కేంద్రం పరిధిలోని సీబీఎ్‌సఈ పాఠశాలల్లోనూ తెలుగు సబ్జెక్టును తప్పనిసరి చేసేందుకు రాష్ట్ర విద్యాశాఖ చర్యలు తీసుకుంటోంది. 1 నుంచి 12వ తరగతి వరకు తెలుగును తప్పనిసరి చేస్తూ ప్రభుత్వం నిర్ణయాన్ని ప్రకటించడం విదితమే. రాష్ట్రంలోని ప్రభుత్వ, ప్రైవేటు పాఠశాలల్లో తెలుగు తప్పనిసరి సబ్జెక్టుగానే ఉంది. కానీ సీబీఎ్‌సఈ పాఠశాలల్లో మాత్రం ‘ఆప్షనల్‌‘గా ఉంది. దీంతో ఎక్కువ మంది విద్యార్థులు సంస్కృతం, ఇతరభాషలను ఎంపిక చేసుకుంటున్నారు. ప్రభుత్వ తాజా నిర్ణయం అమలుకు విద్యాశాఖ అధికారులు సీబీఎ్‌సఈ అనుమతితో నడుస్తున్న ప్రైవేటు స్కూళ్ల యాజమాన్యాలతో ఈనెల 15న సమావేశం ఏర్పాటు చేశారు. యాజమాన్యాలు మాట వినకుంటే కేంద్రానికి లేఖ రాయాలని విద్యా శాఖ భావిస్తోంది. కాగా, ఇంటర్మీడియట్‌లో తెలుగును ‘ఫస్ట్‌ లాంగ్వేజ్‌’ చేసేందుకూ చర్యలు తీసుకుంటున్నారు.
 
ప్రస్తు తం ఇంగ్లీషు ఫస్ట్‌ లాంగ్వేజ్‌ (తప్పనిసరి)గా ఉంది. సెకండ్‌ లాంగ్వేజ్‌ కింద తెలుగు, హిందీ, సంస్కృతం, ఉర్దూ, ఫ్రెంచ్‌, అరబిక్‌, కన్నడ, మరాఠీ భాషల్లో ఏదో ఒకటి ఎంచుకోవాల్సి ఉంటుంది. తెలుగు రాష్ట్రాల్లో ఎక్కువ మంది సంస్కృతాన్ని ఎంపిక చేసుకుంటూ తెలుగుకు దూరమవుతు న్నారు. ఇంటర్మీడియట్‌ ఫస్టియర్‌ విద్యార్థులు 4.50 లక్షల మంది ఉన్నారు. వీరిలో మూడు లక్షల మంది సంస్కృతాన్నే ఎంచుకున్నారు. ఎందుకంటే ఎక్కువ మార్కులు స్కోర్‌ చేయవచ్చనే కారణం చెబుతున్నారు. అయితే ఇంటర్‌లో తెలుగును తప్పనిసరి చేయడం సరైంది కాదని ప్రభుత్వ జూనియర్‌ లెక్చరర్ల సంఘం అధ్యక్షుడు డాక్టర్‌ పి.మధుసూదన్‌ రెడ్డి అన్నారు. తెలుగును ప్రోత్సహించేందుకు ప్రభుత్వం ప్రత్యామ్నాయ చర్యలు చేపట్టాలని సూచించారు. పదవ తరగతి వరకు త్రిభాషలు చదువుకున్న విద్యార్థికి ఫ్రెంచ్‌, అరబిక్‌ లాంటి భాషలు నేర్చుకోవటం వల్ల అదనపు ప్రయోజనం ఉంటుందన్నారు.