జనవరిలో వేతనాల పెంపు Education-Article
నెల్లూరు: మనుబోలు మండలం బద్వేలు క్రాస్‌రోడ్డు దగ్గర కారు బోల్తా, ముగ్గురికి గాయాలు|కర్నూలు: 16 వ రోజు జగన్ ప్రజా సంకల్ప యాత్ర|రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన     
జనవరిలో వేతనాల పెంపు
కేంద్ర ఉద్యోగులకు కొత్త సంవత్సర కానుక
కనీస వేతనం, ఫిట్‌మెంట్‌ భారీగా పెంపు

న్యూఢిల్లీ, సెప్టెంబరు 13: కేంద్ర ప్రభుత్వ ఉద్యోగులకు కొత్త సంవత్సరం జనవరి నుంచే వేతనాలు పెరగనున్నాయి. జనవరిలో మోదీ ప్రభుత్వం ఈ మేరకు తీపికబురు అందించనుంది. ఏడో వేతన సంఘ (7వ సీపీసీ) సిఫారసులకు అనుగుణంగా వారి కనీస వేతనాలను పెద్దఎత్తున సవరించాలని నిర్ణయించినట్లు సమాచారం. కేంద్ర ఉద్యోగులకు, పెన్షనర్లకు కరువు భత్యాన్ని కేబినెట్‌ గతవారం పెంచిన సంగతి తెలిసిందే. వేతన సంఘ సిఫారసుల ఆధారంగా ఆమోదించిన ఫార్ములాకు లోబడే ఈ డీఏను పెంచింది. దీనికి అదనంగా ఉద్యోగుల ఫిట్‌మెంట్‌ను 2.57 రెట్లు పెంచాలని వేతన సంఘం సిఫారసు చేయగా.. మూడు రెట్లు పెంచాలని ప్రభుత్వం నిర్ణయించినట్లు సమాచారం. కొత్త వేతనాలు జనవరి నెల నుంచే అమల్లోకి వచ్చే అవకాశముంది.
కనీస వేతనాన్ని రూ.26 వేలకు పెంచాలని, ఫిట్‌మెంట్‌ను 3.68 రెట్లు పెంచాలని ఉద్యోగులు డిమాండ్‌ చేస్తున్నారు. ఆర్థిక మంత్రి అరుణ్‌ జైట్లీ సూచన మేరకు.. దానిని రూ.21 వేలకు పెంచాలని సిఫారసులు, వేతనాల్లో అంతరంపై అధ్యయనానికి ఏర్పాటైన కమిటీ సిఫారసు చేయనున్నట్లు ఆర్థిక శాఖ ఉన్నతాధికారి ఒకరు వెల్లడించారు. దీనిపై త్వరలోనే కేంద్రం ప్రకటన చేస్తుందని, వచ్చే జనవరి నుంచి కొత్త వేతనాలు అమల్లోకి వస్తాయని తెలిపారు. వేతన సంఘం కనీస వేతనాన్ని రూ.7 వేల నుంచి రూ.18 వేలకు పెంచాలని, గరిష్ఠ వేతనాన్ని రూ.80 వేల నుంచి రూ.2.25 లక్షలకు, కేబినెట్‌ సెక్రటరీకి రూ.2.5 లక్షలు ఇవ్వాలని సిఫారసు చేసింది. వీటిని కేంద్రం ఇప్పటికే ఆమోదించి.. లోపాల సవరణకు పై కమిటీని నియమించింది.