బడిలోనూ బతకనీయరా? Education-Article
నెల్లూరు: మనుబోలు మండలం బద్వేలు క్రాస్‌రోడ్డు దగ్గర కారు బోల్తా, ముగ్గురికి గాయాలు|కర్నూలు: 16 వ రోజు జగన్ ప్రజా సంకల్ప యాత్ర|రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన     
బడిలోనూ బతకనీయరా?
ఇంట్లోనూ లైంగిక దాడులా?.. పిల్లలు ఇంకెక్కడికి పోవాలి?
ఇంతకన్నా దౌర్భాగ్యముందా?.. సత్యార్థి ఆవేదనచెన్నైకి చేరిన యాత్ర
 
చెన్నై, సెప్టెంబరు 13 (ఆంధ్రజ్యోతి): మన ఇల్లు, పాఠశాలలు కూడా పిల్లలకు సురక్షితం కాకపోవడాన్ని మించిన దౌర్భాగ్యం మరోకటి ఉండబోదని నోబెల్‌ పురస్కార గ్రహీత కైలాశ్‌ సత్యర్థి ఆవేదన వ్యక్తం చేశారు. రాజకీయనేతలు, ఎంపీలు, ఎమ్మెల్యేలు సహా ప్రజాప్రతినిధులందరూ తల్లిదండ్రుల్లా ఆలోచించి.. పిల్లలకు సురక్షిత భారతాన్ని అందించాల్సిందిగా అభ్యర్థించారు. ఈ సమస్యపై ఆయన రెండురోజుల క్రితం కన్యాకుమారి వేదికగా ప్రారంభించిన భారత యాత్ర.. బుధవారం చెన్నై చేరుకొంది. పిల్లలపై జరుగుతున్న లైంగిక దాడులను అడ్డుకునేందుకు అందరం కలిసి పోరాడదామని ఈ సందర్భంగా దేశప్రజలకు పిలుపునిచ్చారు. దేశవ్యాప్తంగా చిన్నారులపై లైంగిక వేధింపులు పెరగడం పట్ల తీవ్ర ఆందోళన వెలిబుచ్చారు. ‘‘పిల్లలకి మన ఇల్లు కూడా సురక్షితం కానంతగా ప్రస్తుత పరిస్థితులు ఉన్నాయి. బంధువులు, కుటుంబ సభ్యులే పిల్లలపై లైంగిక వేధింపులకు పాల్పడుతున్నారు.
 
పాఠశాలలు కూడా సురక్షితంగా లేవు. అక్కడా పిల్లలు అత్యాచారాలకు గురవుతున్నారు. దాన్ని అడ్డుకోవడానికే నేను పోరాడుతున్నాను. చిన్నారుల సంరక్షణ కోసం ప్రతి ఇంటి తలుపు తడతాను. అన్ని రంగాల నేతలనూ కలుస్తాను’’ అని తెలిపారు. ప్రతి చిన్నారి స్వతంత్ర భారతంలో స్వేచ్ఛగా, మంచి పౌరుడిగా ఎదిగేందుకు కృషిచేద్దామని కోరారు. కొన్ని రాష్ట్రాల్లో బాలలపై లైంగిక కేసుల పరిష్కారానికి 40 ఏళ్లు పట్టే దౌర్భాగ్య పరిస్థితులు మన దేశంలో ఉన్నాయని ఆవేదన వ్యక్తంచేశారు. ‘బాధిత చిన్నారుల గొంతు మనమే అవుదాం. మన పిల్లల్ని రక్షించుకుందాం’ అని నినదించారు.