రాష్ట్ర ప్రభుత్వ ఉద్యోగులకు డీఏ పెరిగింది Education-Article
రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన|హైదరాబాద్: ఐటీ అధికారులు అడిగిన ప్రశ్నలకు సమాధానాలు ఇచ్చా: గోల్డ్‌స్టోన్‌ ప్రసాద్‌|రాజమండ్రి: రూ.50 వేలు లంచం తీసుకుంటూ ఏసీబీకి చిక్కిన ఎస్కేయూ అసిస్టెంట్ రిజిస్ట్రార్‌ వెంకటస్వామి     
రాష్ట్ర ప్రభుత్వ ఉద్యోగులకు డీఏ పెరిగింది
గత జనవరి నుంచి అమలు
సెప్టెంబరు జీతంతో చెల్లింపు
పెన్షనర్లకు ప్రత్యేకంగా ఉత్తర్వు
దసరా కానుకగా 25నే వేతనం

హైదరాబాద్‌, సెప్టెంబరు 12 (ఆంధ్రజ్యోతి): రాష్ట్ర ప్రభుత్వ ఉద్యోగులకు శుభవార్త. కరువు భత్యం (డీఏ) పెరిగింది. సెప్టెంబరు వేతనం ఐదు రోజుల ముందే రానుంది. కరువు భత్యం పెంపునకు ముఖ్యమంత్రి కేసీఆర్‌ ఆమోద ముద్ర వేశారు. పెరిగే కరువు భత్యాన్ని సెప్టెంబరు వేతనంతో కలిపి చెల్లిస్తారు. ప్రస్తుతం ఉద్యోగులకు 22.008శాతం కరువు భత్యం అందుతోంది. వారికి 2.096శాతం పెంచారు.
 
వెరసి, కరువు భత్యం 24.104 శాతానికి చేరింది. దీనిని ఈ ఏడాది జనవరి నుంచి అమలు చేయనున్నారు. జనవరి నుంచి ఆగస్టు వరకు డీఏ బకాయిలను జీపీఎఫ్‌ ఖాతాలో కలుపుతారు. సెప్టెంబరు నుంచి వేతనంతో కలిపి ఇస్తారు. ఈ నిర్ణయంతో ప్రభుత్వంపై ఏటా 580 కోట్ల అదనపు భారం పడనుంది. పింఛనుదారులకు డీఏ పెంపు ఉత్తర్వులు తర్వాత జారీ అవుతాయి.
 
దసరా కానుకగా వేతనాలు
రాష్ట్ర ప్రభుత్వ ఉద్యోగులకు సెప్టెంబరు వేతనం 25వ తేదీనే అందనుంది. ఈనెల 30న దసరా పండుగ రావడంతోపాటు అక్టోబరు 1, 2 తేదీల్లో మొహర్రం, గాంధీ జయంతి సెలవులు ఉన్నాయి. దీంతో 25నే వేతనం చెల్లించాలని ఆర్థిక శాఖాధికారులను సీఎం కేసీఆర్‌ మంగళవారం ఆదేశించారు. ఉద్యోగ సంఘాల విజ్ఞప్తి మేరకు ముఖ్యమంత్రి ఈ నిర్ణయం తీసుకున్నారు.