మెడికల్‌కు రెండుసార్లు కౌన్సెలింగ్‌ Education-Article
రంగారెడ్డి: మైలార్‌దేవ్‌పల్లిలో కింగ్స్‌ కాలనీలో ముస్తఫా అనే వ్యక్తిపై దుండగుల కాల్పులు|కడప: జగన్ సీఎం అయితే తన ఆస్తులు పెరుగుతాయి..చంద్రబాబు సీఎంగా ఉంటే ప్రజల ఆస్తులు పెరుగుతాయి: మంత్రి సోమిరెడ్డి|సిరిసిల్ల: అన్ని గ్రామాల్లో కేసీఆర్ గ్రామీణ ప్రగతి ప్రాంగణాలు నిర్మిస్తాం: మంత్రి కేటీఆర్|హైదరాబాద్: బంజారాహిల్స్ పోలీస్‌ స్టేషన్‌లో యూసుఫ్‌గూడ కార్పొరేటర్ తమ్ముడిపై కేసు నమోదు|అమరావతి: చీఫ్‌విప్‌గా పల్లె రఘునాథరెడ్డి పేరు, శాసనమండలి చీఫ్‌ విప్‌గా పయ్యావుల కేశవ్‌ పేరు ఖరారు|అనంతపురం: జెట్ ఎయిర్‌వేస్‌లో ఉద్యోగాల పేరుతో మోసం, రూ.14 లక్షలు వసూలు చేసిన యువకుడు|ఢిల్లీ: సరి, బేసి విధానానికి ఎన్జీటీ గ్రీన్‌సిగ్నల్, కాలుష్యం పెరిగినప్పుడు అమలు చేసుకోవచ్చన్న ఎన్జీటీ|శ్రీకాకుళం: వైసీపీ ఎమ్మెల్యేల గొంతు నొక్కుతున్నారు.. నిరసనగా అసెంబ్లీని బహిష్కరించాం: వైసీపీ నేత ధర్మాన|హైదరాబాద్: ఐటీ అధికారులు అడిగిన ప్రశ్నలకు సమాధానాలు ఇచ్చా: గోల్డ్‌స్టోన్‌ ప్రసాద్‌|రాజమండ్రి: రూ.50 వేలు లంచం తీసుకుంటూ ఏసీబీకి చిక్కిన ఎస్కేయూ అసిస్టెంట్ రిజిస్ట్రార్‌ వెంకటస్వామి     
మెడికల్‌కు రెండుసార్లు కౌన్సెలింగ్‌
ఆ తర్వాత మాపప్‌ పద్ధతిలో కేటాయింపు..
అప్పటికీ మిగిలితే కాలేజీల్లో
మెడిక ల్‌ సీట్ల కౌన్సెలింగ్‌లో కొత్త పద్ధతి
ఒకటి రెండు రోజుల్లో ఫీజుల ఖరారు

హైదరాబాద్‌, జూలై 16 (ఆంధ్రజ్యోతి): మెడికల్‌ సీట్ల కౌన్సెలింగ్‌లో ఈ ఏడాది నుంచి కొత్త పద్ధతిని అవలంబిస్తున్నారు. ప్రభుత్వ, ప్రైవేట్‌ కాలేజీల్లోని అన్నిరకాల మెడికల్‌ సీట్లను ఇక నుంచి ప్రభుత్వం నిర్వహించే కామన్‌ కౌన్సెలింగ్‌ ద్వారానే భర్తీ చేస్తారు. ఈ కౌన్సెలింగ్‌ తర్వాత మిగిలిపోయే సీట్లను మాత్రం నేరుగా ఆయా కాలేజీలే భర్తీ చేసుకోవచ్చు. ఈ మేరకు ప్రభుత్వం నిబంధనల్లో మార్పు తెచ్చింది. ఈ ఏడాది మెడికల్‌ సీట్ల భర్తీకి సంబంధించిన కౌన్సెలింగ్‌ ప్రక్రియ మొదలైంది. ప్రస్తుతం కన్వీనర్‌ కోటా సీట్ల భర్తీకి నోటిఫికేషన్‌ జారీచేశారు. ఈసారి కన్వీనర్‌ కోటాతో పాటు.. ప్రైవేటు కాలేజీల్లోని మేనేజ్‌మెంట్‌, ఎన్నారై కోటా సీట్లను కూడా ప్రభుత్వమే కౌన్సెలింగ్‌ ద్వారా భర్తీచేస్తుంది. ఇందులోనే కొంత మార్పులు చేశారు. ఈ రెండు కేటగిరి సీట్ల భర్తీకి రెండుసార్లు కౌన్సెలింగ్‌ నిర్వహిస్తారు. అప్పటికీ ఇంకా సీట్లు మిగిలితే... మాపప్‌ పద్ధతిలో అప్పటికప్పుడు కౌన్సెలింగ్‌ సెంటర్‌కు వచ్చే విద్యార్థులకు మెరిట్‌ ప్రకారం అవకాశం ఇస్తారు. ఆ తర్వాత కూడా ఇంకా ఏవైనా కాలేజీల్లో సీట్లు మిగిలితే, వాటిని భర్తీ చేసుకునే అవకాశాన్ని ఆయా మెడికల్‌ కాలేజీలకే ఇవ్వాలని నిర్ణయించారు.
 
అందుకోసం ప్రభుత్వం ప్రకటించిన తుది మెరిట్‌ జాబితాను ఆయా కాలేజీలకు అందజేయనున్నారు. ఈ మెరిట్‌ లిప్టులో ఉన్నవారు సీటు కావాలని కాలేజీకి వస్తే.. అక్కడ నేరుగా అడ్మిషన్లను ఇవ్వవచ్చు. అయితే, ఈ పద్ధతివల్ల కొన్ని సార్లు అక్రమాలు జరిగే అవకాశం లేకపోలేదని నిపుణులు అభిప్రాయపడుతున్నారు. కాలేజిల్లోని మొత్తం సీట్లను ముందు చూపించకుండా... కొన్ని సీట్లు మిగిలేలా కాలేజీలు అక్రమాలకు పాల్పడితే ఎలా నియంత్రించగలరన్న ప్రశ్న ఉత్పన్నమవుతుంది. సీటు కోసం నేరుగా కాలేజీకి వచ్చేవారి నుంచి యాజమాన్యాలు ఎక్కువ మొత్తంలో ఫీజులను వసూలు చేసే అవకాశం ఉంది. కానీ.. రెండుసార్లు కౌన్సెలింగ్‌, ఆపై మాపప్‌ పద్ధతి తర్వాత ఇక మెడికల్‌ సీట్లు మిగిలే ప్రసక్తి ఉండదని అధికారులు అంటున్నారు.
 
ఫీజుల సంగతేంటో..
ఈ ఏడాది మెడికల్‌ ఫీజులకు సంబంధించిన అంశంపై ప్రభుత్వం స్పష్టత ఇవ్వాల్సి ఉంది. ప్రస్తుతం ఉన్న సమాచారం ప్రకారం కన్వీనర్‌ కోటా సీట్ల ఫీజులను యథాతథంగా కొనసాగిస్తూ, మేనేజ్‌మెంట్‌, ఎన్‌ఆర్‌ఐ కోటా సీట్ల ఫీజులను 5 శాతం మేర పెంచాలనే ప్రతిపాదనలు ఉన్నట్టు తెలిసింది. ప్రస్తుతం ప్రైవేట్‌ కాలేజీల్లోని మేనేజ్‌మెంట్‌ కోటా ఫీజు ఎంబీబీఎస్‌ కోర్సు మొత్తానికి రూ. 55 లక్షలు ఉండగా, ఎన్‌ఆర్‌ఐ కోటా ఫీజు రూ.1.10 కోట్లు వసూలు చేస్తున్నారు. ఈ ఫీజులను 5 శాతం పెంచాలనే ప్రతిపాదన ఉంది. ఇందుకు సంబంధించిన ఉత్తర్వులు ఒకటి, రెండు రోజుల్లో వెల్లడయ్యే అవకాశం ఉంది.