నిరుద్యోగుల పేరిట డెబిట్‌,క్రెడిట్‌ కార్డులు తీసుకొని... Education-Article
హైదరాబాద్:గురుకుల ఉద్యోగ నియామక పరీక్షలు వాయిదా- టీఎస్‌పీఎస్సీ|చెన్నై: ఎయిరిండియా విమానంలో డ్రగ్స్‌ కలకలం, క్యాటరింగ్‌ బాక్స్‌లో డ్రగ్స్‌ ఉన్నట్లు గుర్తింపు|బాలీవుడ్ నటుడు షారూక్‌ఖాన్‌కు ఈడీ నోటీసులు, ఈ నెల 23న వ్యక్తిగతంగా హాజరుకావాలని నోటీసులు|రాజన్న-సిరిసిల్ల: ఎల్లారెడ్డిపేటలో విషాదం, బైకుపై చెట్టు కూలి తల్లీకొడుకు మృతి|కృష్ణా: జగ్గయ్యపేట మండలం భీమవరంలో విషాదం, పొలంలో కరెంట్‌షాక్‌తో తండ్రీకొడుకు మృతి|విజయవాడ: కాపులను చీల్చడానికి వైసీపీ కుట్ర చేస్తోంది- కాపు కార్పొరేషన్‌ చైర్మన్‌ రామానుజయ|విజయవాడ: శబరిమలలో ఆలయ ధ్వజస్తంభంపై పాదరసం పోసిన వారికి బెయిల్ మంజూరు|హైదరాబాద్: డ్రగ్స్‌ కేసులో కెమెరామెన్ శ్యామ్‌ కె.నాయుడును ఐదున్నర గంటలపాటు విచారించిన సిట్ అధికారులు|కర్నూలు: గోనెగొండ్ల మండలం హెచ్. కైరవాడిలో ఇంట్లో విద్యుత్‌షాక్‌తో తండ్రీకూతురు దుర్మరణం|తిరుపతి అర్బన్‌ డెవలప్‌మెంట్‌ అథారిటీ అధికారి కోలేరి కృష్ణారెడ్డి నివాసంలో ఏసీబీ సోదాలు     
నిరుద్యోగుల పేరిట డెబిట్‌,క్రెడిట్‌ కార్డులు తీసుకొని...
నకిలీ ఉద్యోగుల పేరిట క్రెడిట్‌ కార్డులు
 
హైదరాబాద్ : నకిలీ ఉద్యోగుల పేరిట ఐడీ కార్డులు తయారు చేసి క్రెడిట్‌ కార్డుల ద్వారా బ్యాంకుల్లో డబ్బులు స్వాహా చేస్తున్న ముఠాను మల్కాజిగిరి ఎస్‌వోటీ పోలీసులు అరెస్ట్‌ చేశారు. వారి నుంచి 5లక్షల నగదు, 50 క్రెడిట్‌, డెబిట్‌ కార్డులు, ఆరు సెల్‌ఫోన్లు, రెండు ల్యాప్‌టా్‌పలు ఇతర నకిలీ పత్రాలు స్వాధీనం చేసుకున్నారు. ఆదివారం ఉప్పల్‌ ఠాణాలో విలేకరుల సమావేశంలో డీసీపీ ఉమామహేశ్వరశర్మ తెలిపిన వివరాల ప్రకారం.. ప్రకాశం జిల్లాకు చెందిన పోతిరెడ్డి చంద్రశేఖర్‌రెడ్డి(30), ఒడిసాకు చెందిన నక్కింటి సుభాష్‌ కుమార్‌ (26), పశ్చిమగోదావరి జిల్లాకు చెందిన యాదగాని బాలాజీ (24), షేక్‌హాబీబ్‌(32) నగరంలోని వివిధ ప్రాంతాల్లో ఉంటున్నారు. తేలిగ్గా డబ్బు సంపాదించేందుకు ముఠాగా ఏర్పడ్డారు. వీరు రామంతాపూర్‌, పంజాగుట్ట ప్రాంతాల్లో ఎంఎ్‌సజీ వాక్స్‌ ఫార్మా ప్రైవేట్‌ లిమిటెడ్‌, ఎంఎస్‌ స్టన్స్‌ ఐటీ సొల్యూషన్స్‌, ఎంఎస్‌ హప్‌టిక్‌ సోల్యూషన్స్‌ పేర్లతో మూడు నకిలీ కంపెనీలు ఏర్పాటు చేశారు.
 
ఈ కంపెనీల్లో ఉద్యోగాలిస్తామని నిరుద్యోగులను నమ్మించి ఒక్కొక్కరి నుంచి రూ. 50 వేల చొప్పున వసూలు చేస్తున్నారు. అనుభవ పత్రాలను ఇస్తున్నందుకు మరో 25 వేలు తీసుకుంటున్నారు. బ్యాంకు అకౌంట్ల కోసమని ఫొటోలు, ఆధార్‌ ఇతర వివరాల పత్రాలు తీసుకొని బ్యాంకుల్లో ఖాతాలు తెరిచి జీతాలు కుడా వేస్తున్నారు. కంపెనీ జీతం స్లిప్‌లను, బ్యాంక్‌ ఖాతాలను చూపిస్తూ ఇతర బ్యాంకుల నుంచి క్రెడిట్‌, డెబిట్‌ కార్డులు తీసుకుంటున్నారు. ఎనిమిది బ్యాంకుల నుంచి డెబిట్‌, క్రెడిట్‌ కార్డులు తీసుకొని రూ.50 లక్షల వరకు సొమ్మును స్వాహా చేశారు. ఇప్పటివరకు 200 మంది నిరుద్యోగులను మోసం చేశారు. విషయం తెలుసుకున్న బాధితులు నేరెడ్‌మెట్‌, ఉప్పల్‌ పోలీసులకు ఫిర్యాదు చేశారు. ఓ బ్యాంకు అధికారులు కూడా ఫిర్యాదు చేశారు. దీంతో ఎస్‌వోటీ పోలీసులు రంగంలోకి దిగి ముఠా సభ్యులను అదుపులోకి తీసుకున్నారు. నిందితులపై పలు సెక్షన్ల కింద కేసులు నమోదు చేశారు.