అండర్‌ క్వాలిఫైడ్‌.. స్మార్ట్‌గా డీల్‌ చేయాలి JobCorner-Article
హైదరాబాద్:గురుకుల ఉద్యోగ నియామక పరీక్షలు వాయిదా- టీఎస్‌పీఎస్సీ|చెన్నై: ఎయిరిండియా విమానంలో డ్రగ్స్‌ కలకలం, క్యాటరింగ్‌ బాక్స్‌లో డ్రగ్స్‌ ఉన్నట్లు గుర్తింపు|బాలీవుడ్ నటుడు షారూక్‌ఖాన్‌కు ఈడీ నోటీసులు, ఈ నెల 23న వ్యక్తిగతంగా హాజరుకావాలని నోటీసులు|రాజన్న-సిరిసిల్ల: ఎల్లారెడ్డిపేటలో విషాదం, బైకుపై చెట్టు కూలి తల్లీకొడుకు మృతి|కృష్ణా: జగ్గయ్యపేట మండలం భీమవరంలో విషాదం, పొలంలో కరెంట్‌షాక్‌తో తండ్రీకొడుకు మృతి|విజయవాడ: కాపులను చీల్చడానికి వైసీపీ కుట్ర చేస్తోంది- కాపు కార్పొరేషన్‌ చైర్మన్‌ రామానుజయ|విజయవాడ: శబరిమలలో ఆలయ ధ్వజస్తంభంపై పాదరసం పోసిన వారికి బెయిల్ మంజూరు|హైదరాబాద్: డ్రగ్స్‌ కేసులో కెమెరామెన్ శ్యామ్‌ కె.నాయుడును ఐదున్నర గంటలపాటు విచారించిన సిట్ అధికారులు|కర్నూలు: గోనెగొండ్ల మండలం హెచ్. కైరవాడిలో ఇంట్లో విద్యుత్‌షాక్‌తో తండ్రీకూతురు దుర్మరణం|తిరుపతి అర్బన్‌ డెవలప్‌మెంట్‌ అథారిటీ అధికారి కోలేరి కృష్ణారెడ్డి నివాసంలో ఏసీబీ సోదాలు     
అండర్‌ క్వాలిఫైడ్‌.. స్మార్ట్‌గా డీల్‌ చేయాలి
ఆన్‌లైన్‌, ఆఫ్‌లైన్‌ మాధ్యమం ఏదైనా హైరింగ్‌ కాలమ్‌ చూడగానే జాబ్‌ సీకర్స్‌ అటెన్షన్‌ అటువైపే వెళుతుంది. సంబంధిత వివరాలను క్షుణ్ణంగా తెలుసుకోవాలనే ఆసక్తి పెరుగుతుంది. ఇన్నాళ్ళూ ఎదురు చూస్తున్న అవకాశం ఇదేనేమో అనే ఆలోచన మొదలవుతుంది. అంతే ఉత్సాహంతో హైరింగ్‌ నోటిఫికేషన్‌ను చదవడం ప్రారంభిస్తాం.
 
అందులో పేర్కొన్న కొన్ని అర్హతలు మనలో ఉంటే, మరికొన్ని ఉండకపోవచ్చు. అంటే సదరు జాబ్‌కు అండర్‌ క్వాలిఫైడ్‌ అన్నమాట. దాంతో అప్లయ్‌ అనే ఆప్షన్‌ను ఫ్రీజ్‌ చేయడానికి వెనుకడుగు వేస్తాం. అయితే ఈ అంశాన్ని నెగిటివ్‌గా కాకుండా స్ఫూర్తిగా తీసుకుంటే ఎన్నో అవకాశాలు ముంగిట నిలుస్తాయి. కొంత స్మార్ట్‌ వర్క్‌ చేయటం ద్వారా అండర్‌ క్వాలిఫైడ్‌ కూడా విన్నర్‌గా మారవచ్చు. అది ఎలాగో చూద్దాం..
ఏదైనా జాబ్‌ నోటిఫికేషన్‌లోనే దానికి కావాల్సిన అర్హత, నైపుణ్యాలను స్పష్టంగా పేర్కొంటారు. అయితే అందులో పేర్కొన్న వాటి కంటే తక్కువ అర్హతలు ఉంటే దానిని అండర్‌ క్వాలిఫైడ్‌గా భావించవచ్చు. చాలా మందికి ఇటువంటి సమస్య ఎదురవుతుంది. కాకపోతే సదరు జాబ్‌ పట్ల అవగాహన, నైపుణ్యాలు వంటి అంశాల్లో మిమ్మల్ని మీరు బెస్ట్‌గా బ్రాండింగ్‌ చేసుకుంటే అండర్‌ క్వాలిఫైడ్‌ అయినప్పటికీ అవకాశం దక్కవచ్చు.
 
రెండూ కీలకం
అండర్‌ క్వాలిఫైడ్‌ అయినప్పటికీ జాబ్‌కు అప్లయి చేస్తున్నప్పుడు కొన్ని అంశాలకు ప్రాధాన్యం ఇవ్వాలి. టెక్నికల్‌ స్కిల్స్‌, జాబ్‌ను ఎంత సమర్థంగా నిర్వహించగలరు అనేవే ఆ రెండూ. వాస్తవానికి ఆ రెండూ అంశాలపైనే ఎంప్లాయర్స్‌ దృష్టి ఎక్కువగా ఉంటుంది. కాబట్టి జాబ్‌ను నిర్ణయించడంలో ఇవే కీలక పాత్ర పోషిస్తాయి. మోడ్రన్‌ వర్క్‌ప్లేస్‌లో టెక్నికల్‌గా, జాబ్‌ నిర్వహణకు సంబంధించి మీకున్న నాలెడ్జ్‌తో ఎంప్లాయర్‌ను ఆకట్టు కోగలిగితే అండర్‌ క్వాలిఫైడ్‌ అనే అడ్డంకిని సులువుగా అధిగమించవచ్చు. ఇటువంటి పరిస్థితుల్లో మిమ్మల్ని మీరు నిరూపించుకునేందుకు ఒక్క అవకాశం ఇవ్వడానికి ఎంప్లాయర్‌ వెనుకాడక పోవచ్చు.
 
సాఫ్ట్‌గా
ఒక్కోసారి హైరింగ్‌ కాలమ్‌లో పేర్కొన్న విధంగా హార్డ్‌ స్కిల్స్‌(సంబంధిత ఇండస్ర్టీ కోరుకునే ప్రత్యేకమైన టెక్నికల్‌ స్కిల్స్‌) ఉండకపోవచ్చు. అయితే ఇక్కడ ఒక విషయాన్ని గుర్తుంచుకోవాలి. జాబ్‌ నిర్వహణలో హార్డ్‌ స్కిల్స్‌తోపాటు సాఫ్ట్‌ స్కిల్స్‌(కమ్యూనికేషన్‌ స్కిల్స్‌, జట్టుగా పని చేసేందుకు సంసిద్ధత, నాయ కత్వ లక్షణాలు వంటివి) కూడా కీలకం. హార్డ్‌ స్కిల్స్‌ పోలిస్తే సాఫ్ట్‌ స్కిల్స్‌కు చాలా మంది ఎంప్లాయర్స్‌ ఎక్కువ ప్రాధాన్యం ఇస్తారు.
 
ఎందుకంటే వర్క్‌ప్లేస్‌ను సాఫ్ట్‌ స్కిల్స్‌ అత్యంత ప్రభావితం చేస్తాయి. ఉద్యోగుల్లో స్ఫూర్తి నింపి ప్రొడక్టవిటీని పెంచుకోవడానికి ఇవి ఇతోధికంగా తోడ్పడతాయి. అందుకే సాఫ్ట్‌ స్కిల్స్‌పరంగా ఎంప్లాయర్స్‌తో మీరు బెస్ట్‌ అనిపించు కోవాలి. ఇందుకు విద్యార్థిగా ఉన్నప్పుడు లేదా మరే ఇతర సందర్భంలోనైనా సాఫ్ట్‌ స్కిల్స్‌ను ఉపయోగించి ఎటువంటి విజయాలు సాధించారో ఆసక్తిగా వివరించాలి. ఇది పాజిటివ్‌గా పని చేస్తుంది. హార్డ్‌ స్కిల్స్‌లో శిక్షణనిచ్చి తరవాత జాబ్‌లోకి తీసుకునే అవకాశాన్ని ఎంప్లాయర్‌ కల్పించవచ్చు.
 
రెడీ టు లెర్న్‌
అండర్‌ క్వాలిఫైయిడ్‌ ఈ సందర్భంలో గుర్తుంచుకోవాల్సిన మరో కీలక విషయం నేర్చుకునే సంసిద్ధత. కొంత మంది ఎంప్లాయర్స్‌ కావాల్సిన అర్హతలు లేనప్పటికీ, నేర్చుకోవడానికి సదా సిద్ధంగా ఉండే వారిని నియ మించుకోవడానికి ఆసక్తి చూపిస్తుంటారు. కొంత అనుభవం ఉన్న వారితో పోల్చితే ఇటువంటి వారికి కంపెనీ అవసరాలకు అనుగుణంగా శిక్షణనిచ్చి బెస్ట్‌గా తీర్చిదిద్దడం సులభమని భావించడమే దీనికి కారణం. కాబట్టి నేర్చుకోవడంలో స్వీయప్రేరణ, కొత్త విషయాలను, మార్కెట్‌ అవసరాలకు అనుగుణంగా వస్తున్న నూతన సాంకేతిక పరిజ్ఞానాన్ని అంది పుచ్చుకోవడానికి చూపే ఆసక్తిని ఎంప్లాయర్‌ గమనించేలా వ్యవ హరించాలి. రెడీ టు లెర్న్‌గా ఉండాలి. నేను అండర్‌ క్వాలిఫైడ్‌ కావచ్చు కాకపోతే నేర్చుకోవడంలో మాత్రం కాదు, నేర్చుకోవడానికి దీన్ని మంచి అవకాశంగా భావిస్తాను అనే తరహాలో సమాధానం ఇవ్వాలి.
 
స్కిల్స్‌ ఉంటే
ప్రస్తుత జాబ్‌ మార్కెట్‌ అకడమిక్స్‌ కంటే స్కిల్స్‌కే ప్రాధాన్యం ఇస్తోంది. కాబట్టి మీలోని నైపుణ్యాలను ఒక్క సారి విశ్లేషించుకోవాలి. ప్రతి మనిషిలో ఏదో ఒక ప్రత్యేక నైపుణ్యం ఉంటుంది. మిగతా వారితో పోల్చినప్పుడు ఆ నైపుణ్యం మిమ్మల్ని స్టాండవుట్‌గా నిలుపుతుంది. ఆ నైపుణ్యాన్ని గుర్తించండి. ఇది అప్లయ్‌ చేసిన జాబ్‌కు ఏవిధంగా ప్రయోజనకరమో విశ్లేషించాలి.
 
దాని ఆధారంగా సదరు జాబ్‌కు మీరే బెస్ట్‌ అనే విధంగా మిమ్మల్ని మీరు బ్రాండింగ్‌ చేసుకోవాలి. ఉదాహరణకు లెక్కలు బాగా చేయగలుగుతారు. కానీ అకౌంటింగ్‌లో అనుభవం లేదు. కాబట్టి లెక్కలు బాగా చేసే నైపుణ్యం అకౌంటింగ్‌లో ఎలా ఉపయోగపడుతుందో వివరించి ఇంప్రెస్‌ చేసే ప్రయత్నం చేయాలి. అప్పుడు జాబ్‌ లభించే అవకాశాలు ఎక్కువగా ఉంటాయి.